Turizmni rivojlantirish davlat qo‘mitasining tashabbusi bilan Buxoroning eski shahar qismida havoda muallaq turuvchi darvesh paydo bo‘ldi.

Ushbu attraksion sayyohlarni yanada ko‘proq jalb qilish, shaharga bo‘lgan qiziqishni orttirishga xizmat qiladi. Keyinchalik bunday qiziqarli shou-loyihalar boshqa turistik shaharlarda ham yo‘lga qo‘yilishi mo‘ljallangan. Bunda nafaqat darvesh, balki masxaraboz, sarbon, mashhur ertaklar qahramonlari, masalan Xo‘ja Nasriddin kabi obrazlar yaratilishi mumkin.

Mazkur g‘oya qo‘mita tomonidan Yevropadagi turistik markazlarini kuzatish jarayonida tug‘ilgan bo‘lib, keyinroq mahalliy muhitga moslashtirilgan.