Tibbiy patronaj xizmati nafaqat tibbiy-profilaktika yordami, balki aholining sog‘lom hayot kechirishini ta’minlashga xizmat qiladigan ko‘plab omillarni qamrab olgani bilan ahamiyatlidir. 

Toshkent viloyati Quyi Chirchiq tumani tibbiyot birlashmasi aholiga sifatli va tezkor xizmat ko‘rsatish uchun velopatronaj xizmatini yo‘lga qo‘ydi. 

Hududdagi patronaj hamshiralar ishi samaradorligini oshirish, ularning uzog‘ini yaqin qilish maqsadida tibbiyot muassasalariga tuman hokimligi tomonidan 22 velosiped taqdim etildi. Ayni paytda tuman tibbiyot birlashmasidagi 81 patronaj hamshirasi 104 ming 248 nafar aholiga xizmat ko‘rsatadi. 

Sohada ro‘y berayotgan bunday yangiliklar tibbiy patronaj tadbirlarini yuqori saviyada tashkil etishga mo‘ljallangan. Bu esa kasalliklarning o‘z vaqtida oldini olish, ayniqsa, onalik va bolalikni tibbiy-ijtimoiy muhofaza qilishda muhim ahamiyat kasb etadi. 

Abdulaziz Musayev, O‘zA