O`zbekiston Respublikasi
Hukumat portali
“Al-Garafa” - “Paxtakor” 2:1
2018-01-31 | Sport
Qatarning “Al-Garafa” jamoasi o‘z maydonida Toshkentning “Paxtakor” klubiga qarshi Osiyo chempionlar ligasi guruh bosqichiga saralash bahsida maydonga tushdi.
Birinchi bo‘limning 20-daqiqasida Marko Simich mezbonlar futbolchisi Mehdi Taremiga qarshi qoida buzdi va hakam darvozamiz tomon penalti belgiladi. Ushbu vaziyatdan tajribali Uesli Sneyder unumli foydalanib hisobni ochdi. Oradan 8 daqiqa o‘tib Diogo Amado gol urib, hisobni 2:0 ko‘rinishiga olib keldi.
Ikkinchi bo‘limda “Paxtakor” klubi qator xavfli hujumlar uyushtirdi. 93-daqiqada Jasur Hakimov raqib darvozasini ishg‘ol etib, hisobni qisqartirdi.
Shu tariqa “Al-Garafa” 2:1 hisobida g‘alaba qozonib, musobaqaning “A” guruhida “Al-Jazira”(BAA), “Al-Ahli” (Saudiya Arabistoni) va “Traktor Sazi” (Eron) bilan bahslashadigan bo‘ldi.
Javohir Toshxo‘jayev, O‘zA