Ko'rinish
Shrift o'lchami
?
Ekran suxandoni
Ishlab chiqilgan: 
O`zbekiston Respublikasi
Hukumat portali
Namanganda yil davomida 12 ming fuqaro jamoat ishlariga jalb qilinadi
2018-01-12 | Jamiyat
Namangan viloyati tuman va shahar bandlikka ko‘maklashish markazlariga 12 "Damas" avtomashinasi topshirildi.
Shu munosabat bilan keng jamoatchilik ishtirokida o‘tkazilgan tadbirda mamlakatimizda aholining kam ta’minlangan qatlamini qo‘llab-quvvatlash borasida ko‘rilayotgan chora-tadbirlar yuksak samaralar berayotgani ta’kidlandi. Aholini haq to‘lanadigan jamoat ishlariga jalb qilish ham ularni ijtimoiy muhofaza qilishga qaratilgan tadbirlardan bo‘lib, uning nafaqat iqtisodiy, balki ma’naviy ahamiyati ham kattadir.
Haq to‘lanadigan jamoat ishlarining har jihatdan maqsadga muvofiqligini Namangan tumanida amalga oshirilgan tajriba misolida ham ko‘rish mumkin. Tumanda o‘tgan yilning so‘nggi ikki oyida 600 nafar band bo‘lmagan fuqaro haq to‘lanadigan jamoat ishlariga jalb qilindi va bu tajriba o‘zini oqladi.
Mazkur tajribadan kelib chiqib, joriy yilning birinchi choragida viloyat bo‘yicha 2 ming, yil davomida esa 12 ming nafar fuqaroni jamoat ishlariga jalb qilish va bu maqsadga 5 milliard so‘mdan ortiq mablag‘ ajratish rejalashtirilgan.
Shahar va tuman bandlikka ko‘maklashish markazlarining xizmat mashinalari bilan ta’minlanishi bu boradagi ishlar samaradorligini oshirishga xizmat qiladi.
Tadbirda Namangan viloyati hokimi X.Bozorov so‘zga chiqdi.
