2017 yilning 16 dekabr kuni Favqulodda vaziyatlar vaziri R.Djurayev Toshkent shahrida fuqarolar bilan uchrashdi.

Mazkur tadbir Toshkent shahridagi O‘zbekiston Respublikasi Prezidentining Xalq qabulxonasida tashkil etilib, unda Toshkent shahar hokimining birinchi o‘rinbosari, Favqulodda vaziyatlar vazirligi va favqulodda vaziyatlar boshqarmasining mutasaddi xodimlari, shuningdek, Olmazor, Shayhontohur va Yunusobod tumanlari hokimlarining o‘rinbosarlari va fuqarolar ishtirok etdilar.  

Qabul davomida 12 nafar fuqaro o‘zlarini qiynayotgan muammo bilan murojaat qilishdi. Barcha murojaatlar Toshkent shahar hokimligi bilan hamkorlikda o‘rnatilgan tartibda ko‘rib chiqildi. Bundan tashqari, Favqulodda vaziyatlar vazirligi tizimiga harbiy xizmatga qabul qilish yuzasidan 6 nafar fuqaroning murojaatlari  ham ko‘rib chiqildi.

Fuqarolarni qabul qilish tadbirlari davom etmoqda.