Namangan olimpiya zaxiralari kollejida nufuzli musobaqalarda yurtimiz sharafini munosib himoya qilishga qodir iqtidorli sportchilar tarbiyalanadi.
Bu yerda, ayniqsa, boks sport turiga qiziquvchi yoshlar safi tobora kengaymoqda.
– Joriy yilda boks bo‘yicha o‘tkazilgan yurtimiz hamda xalqaro miqyosdagi musobaqalarda kollejimiz yoshlari 45 oltin, 24 kumush, 13 bronza, jami 82 medalni qo‘lga kiritdi, – deydi murabbiy To‘lashboy Doniyorov. – Shuningdek, ikki nafar tarbiyalanuvchimiz imtiyozli ravishda oliy o‘quv yurtiga o‘qishga qabul qilindi. Ayni paytda 2018-yilda Argentinada o‘tkaziladigan III o‘smirlar Olimpiya o‘yinlarida munosib ishtirok etish uchun nomzod sportchilar bilan individual mashg‘ulotlar olib borilmoqda.
Hotam Mamadaliyev (surat), O‘zA