Ko'rinish
Shrift o'lchami
?
Ekran suxandoni
Ishlab chiqilgan: 
O`zbekiston Respublikasi
Hukumat portali
“Daryoga ikki marta kirish” deb nomlangan ko‘rgazma ochildi
2017-10-17 | Madaniyat
O‘zbekiston davlat san’at muzeyida rassom Andrey Yesionovning “Daryoga ikki marta kirish” deb nomlangan ko‘rgazmasi ochildi.
O‘zbekiston Respublikasi Madaniyat vazirligi, O‘zbekiston davlat san’at muzeyi va Moskva zamonaviy san’at muzeyi hamkorligida tashkil etilgan tadbirga san’atshunoslar, musavvirlar, professor-o‘qituvchilar, talabalar va ommaviy axborot vositalari vakillari taklif etildi.
O‘zbekiston Respublikasi madaniyat vazirining birinchi o‘rinbosari O.Nazarbekov, muzey direktori V.Fayziyeva, Moskva zamonaviy san’at muzeyi direktori V.Sereteli va boshqalar rassom Andrey Yesionovning asarlari ko‘rgazmasi O‘zbekiston va Rossiya o‘rtasidagi o‘zaro madaniy aloqalarning rivojlanishiga hissa qo‘shishini ta’kidladi.
A.Yesionov Rossiya Badiiy akademiyasi muxbir a’zosi va akademiyaning oltin medal sohibi hamdir. U Parij, Moskva, Sankt-Peterburg, Qozon kabi shaharlarda shaxsiy ko‘rgazmalarini tashkil etib, muxlislar e’tiborini qozongan. Bugungi kunda uning asarlari Rossiyaning nufuzli muzeylarida saqlanmoqda.
Ko‘rgazmada taqdim etilgan asarlar san’atsevarlarda katta qiziqish uyg‘otmoqda.
