O‘zbekistondan tashrif  buyurgan   maxsus   delegatsiya  Yaponiyaning Tokyo shahrida o‘tkazilgan Osiyo-Tinch okeani mintaqasidagi eng yirik «Japan Tourism Expo – 2017»ko'rgazmasida ishtirok etdi hamda O‘zbekiston Respublikasining Yaponiyadagi elchixonasi ko‘magida Yaponiyaning turizm sohasidagi bir nechta obro'li tashkilotlari rahbarlari bilan muzokaralar o'tkazildi. 

Shulardan biri O‘zbekiston Respublikasi Turizmni rivojlantirish   davlat qo‘mitasi raisi A. Abduhakimovning Yaponiya milliy sayyohlik tashkiloti (JNTO) prezidenti janob Ryoichi Matsuyama bilan uchrashuvi deyish mumkin.

Shuni qayd etish lozimki,Yaponiyaning JNTO kompaniyasi ichki turizmni rivojlantirishga ixtisoslashgan bo'lib, mazkur uchrashuv davomida O‘zbekiston va Yaponiya o‘rtasida sayyohlar oqimini ko‘paytirish, shuningdek, ichki turizmni rivojlantirishga ta'sir qiluvchi omillarni tahlil qilish va umuman olganda mamlakat turizmini rivojlantirishida mintaqalarning alohida rivojlantirish dasturlarining ahamiyati haqida fikr almashildi va Yaponiyaning bu sohadagi ko'p yillik tajribasi, undan O'zbekiston sharoitiga tadbiq qilish masalasi haqida so'z bordi.