Toshkent shahar hokimi qaroriga muvofiq, 2017 yilning 10 avgust kuni soat 15.00da xalq deputatlari Toshkent shahar Kengashining yigirma oltinchi sessiyasi o‘tkaziladi.

Sessiya kun tartibiga quyidagi masalalar kiritilmoqda:

- Yunusobod va Uchtepa tumanlari ichki ishlar organlarining jinoyatchilikka qarshi kurashish va huquqbuzarliklar profilaktikasi borasidagi faoliyatlarini o‘rganish yakunlari to‘g‘risida;

- Jinoyat ishlari bo‘yicha Toshkent shahar Sudining 2017 yil 1 yarim yillik faoliyati yuzasidan axboroti to‘g‘risida;

-Fuqarolar ishlari bo‘yicha Toshkent shahar Sudining 2017 yil
1 yarim yillik faoliyati yuzasidan axboroti to‘g‘risida;

-Toshkent shahar Iqtisodiy Sudining 2017 yil 1 yarim yillik faoliyati yuzasidan axboroti to‘g‘risida;

-Toshkent shahar ma’muriy sudining 2017 yil 1 yarim yillik faoliyati yuzasidan axboroti to‘g‘risida;

-2017 yil “Xalq bilan muloqot va inson manfaatlari yili” davlat dasturining ijrosi va ustuvor vazifalar to‘g‘risida;

Toshkent shahar mahalliy byudjetining 2016 yildagi hamda
2017 yil birinchi va ikkinchi chorakdagi ijrosi to‘g‘risida;

-“Oilaviy tadbirkorlik to‘g‘risida”gi O‘zbekiston Respublikasi Qonuni ijrosi yuzasidan oilaviy biznesni rivojlantirishga kredit ajratish borasida Markaziy bank Toshkent shahar bosh boshqarmasining faoliyati to‘g‘risida;

-O‘zbekiston Respublikasi Oliy Majlisi Senatining 2016 yil
13 dekabrdagi “2017 yilda ish o‘rinlari tashkil etish va aholi bandligini ta’minlash dasturi” to‘g‘risidagi qarorining ijrosi yuzasidan amalga oshirilayotgan ishlar to‘g‘risida;

-Xalq deputatlari Toshkent shahar Kengashi va uning doimiy komissiyalarini 2017 yilga mo‘ljallangan ish rejasiga o‘zgartirish va qo‘shimchalar kiritish to‘g‘risida va boshqa masalalar.