Davlatimiz rahbari Chortoq tumanidagi Sulton Uvays Qaraniy ziyoratgohini rekonstruksiya qilish loyihasi bilan tanishdi.

Prezidentimiz viloyatlarga safarlari chog‘ida har bir hududning tarixini o‘rganishga, ma’naviy merosini tiklashga alohida e’tibor qaratmoqda. Muborak qadamjolarni ziyorat qilib, ularni obod qilish bo‘yicha ko‘rsatmalar bermoqda. 

Sulton Uvays Qaraniy ziyoratgohi – Namangandagi ana shunday maskanlardan biri. Qadamjo maqbara, masjid, ramziy darvoza va muzeydan iborat. 

Davlatimiz rahbari bu qadamjoni qadimiy usulda ta’mirlash, keng va obod ziyoratgohga aylantirish, ziyoratchilarga zarur sharoitlar yaratish, bu maskanda kutubxona tashkil etish, yosh avlodni yuksak ma’naviyatli insonlar etib tarbiyalash bo‘yicha tavsiyalar berdi.