2017 yil 1 may kuni xalq deputatlari Toshkent shahar Kengashiga saylov o'tkazuvchi shahar saylov komissiyasining navbatdagi yig'ilishi bo'lib o'tdi.

Unda ayrim bo'shab qolgan saylov okruglarida siyosiy partiyalarning xalq deputatlari Toshkent shahar Kengashi saylovida ishtirok etishlariga ijozat berish masalasi ko'rib chiqildi.

Shahar saylov komissiyasining yig'ilishi qaroriga ko'ra, Tadbirkorlar va ishbilarmonlar harakati – O'zbekiston Liberal-demokratik partiyasi, O'zbekiston Xalq demokratik partiyasi, O'zbekiston “Milliy tiklanish” demokratik partiyasi va O'zbekiston “Adolat” sotsial-demokratik partiyasi Toshkent shahar Kengashlariga xalq deputatlari Toshkent shahar Kengashi saylovida ishtirok etishlariga ijozat berildi.