2017-yilning 17-19-aprel kunlari Ostona shahrida Shanxay hamkorlik tashkilotiga a’zo davlatlar Milliy koordonatorlari kengashining (MKK) navbatdagi yig‘ilishi bo‘lib o‘tdi.

Qirg‘iziston, Qozog‘iston, Rossiya, Tojikiston, Xitoy va O‘zbekiston vakillari Davlat rahbarlari kengashi va ShHTning boshqa nizomiy organlarining bo‘lajak majlislari, shuningdek 2017-yilning 20-21-aprel kunlari o‘tkaziladigan tashkilot tashqi ishlar vazirlarining uchrashuviga tayyorgarlikning borishi yuzasidan fikr almashdilar.

Kun tartibi, imzolash uchun kiritiladigan hujjatlar ro‘yxati loyihalari hamda ShHT doirasida hamkorlikni rivojlantirishning qator dolzarb masalalari muhokama qilindi.