2022-12-11

Qishloq xo‘jaligi xodimlari kuni – “Hosil bayrami” munosabati bilan agrar tarmoq mehnatkashlarining mamlakatimiz oziq-ovqat xavfsizligini taʼminlashdagi fidokorona mehnatini munosib qadrlash va ulug‘lash, maʼnaviy va moddiy jihatdan rag‘batlantirish maqsadida 2022-yil 11-dekabr kuni Ekspomarkazda bayram tadbiri o‘tkaziladi.  

Tadbir davomida qishloq xo‘jaligi mahsulotlari ko‘rgazma-yarmarkalari, maʼnaviy-maʼrifiy va madaniy, xayriya tadbirlari, ommaviy sport turlari bo‘yicha musobaqalar, ko‘rik-tanlovlar tashkil etilmoqda.  

Shuningdek, tadbirda qishloq xo‘jaligida amalga oshirilayotgan islohotlar yuzasidan turli mavzularda davra suhbatlari, treninglar va soha vakillari uchrashuvlari ham bo‘lib o‘tadi.

Manba: O'zA