2017-yil 28-noyabrdagi O‘zbekiston Respublikasi Prezidentining PF-5254-son farmoniga muvofiq Kuchkarov Jamshid Anvarovich O‘zbekiston Respublikasi Bosh vazirining o‘rinbosari, O‘zbekiston Respublikasi Moliya vaziri - Makroiqtisodiy tahlil va prognozlashtirish, moliya va bank tizimlarini isloh qilish, xususiy tadbirkorlik va kichik biznesni rivojlantirish masalalari kompleksining rahbari lavozimiga tasdiqlandi, shu munosabat bilan O‘zbekiston Respublikasi Bosh vazirining o‘rinbosari - Iqtisodiy rivojlantirish, tarkibiy o‘zgartirishlar, investitsiyalar, bank va moliya tizimini isloh qilish, erkin iqtisodiy va kichik sanoat zonalari faoliyatini muvofiqlashtirish masalalari kompleksining rahbari lavozimidan ozod etildi.

O‘zbekiston Respublikasi Prezidentining 2017-yil 28-avgustdagi PF-5260-son farmoniga muvofiq Xodjayev Jamshid Abduxakimovich O‘zbekiston Respublikasi Tashqi savdo vaziri lavozimiga tasdiqlandi, shu munosabat bilan O‘zbekiston Respublikasi Hisob palatasi raisining birinchi o‘rinbosari – O‘zbekiston Respublikasi Davlat byudjetiga tushumlarning to‘liqligini nazorat qilish inspeksiyasi boshlig‘i lavozimidan ozod etildi.

O‘zbekiston Respublikasi Prezidentining 2017-yil 28-noyabrdagi PF-5259-son farmoniga muvofiq Ganiev Elyor Majidovich boshqa ishga o‘tishi munosabati bilan O‘zbekiston Respublikasi Tashqi savdo vaziri lavozimidan ozod etildi.

O‘zbekiston Respublikasi Prezidentining 2017-yil 28-noyabrdagi PF-5253 sonli farmoniga muvofiq Xolmuradov Suxrob Rustamovich - O‘zbekiston Respublikasi Bosh vazirining o‘rinbosari, Investitsiyalar, innovatsion rivojlantirish, erkin iqtisodiy va kichik sanoat zonalari faoliyatini muvofiqlashtirish, turizm masalalari kompleksining rahbari lavozimiga tasdiqlandi.

O‘zbekiston Respublikasi Prezidentining 2017-yil 28-noyabrdagi PF-5258-son farmoniga muvofiq Xodjayev Botir Asadillayevich O‘zbekiston Respublikasi Iqtisodiyot vaziri lavozimiga tasdiqlandi, shu munosabat bilan O‘zbekiston Respublikasi Moliya vaziri lavozimidan ozod etildi.

O‘zbekiston Respublikasi Konstitutsiyasining 93-moddasi 15-bandi va 102-moddasi hamda xalq deputatlari Samarqand viloyat Kengashining qaroriga muvofiq Turabjon Ikramovich Djurayev Samarqand viloyati hokimi lavozimiga tayinlandi.

O‘zbekiston Respublikasi Prezidentining 2017-yil 31-oktabrdagi PF-5222 sonli farmoniga muvofiq Sultanov Alisher Saidabbasovich - O‘zbekiston Respublikasi Bosh vazirining o‘rinbosari, Geologiya, yo'qilg'i-energetika kompleksi, kimyo, neft-kimyo va metallurgiya sanoati masalalari kompleksi rahbari – "O'zbekneftgaz" aksiyadorlik jamiyati boshqaruvi raisi lavozimiga tasdiqlandi.

Oʻzbekiston Respublikasi Prezidenti Sh.M.Mirziyoyevning qaroriga muvofiq, Anvar Rasulovich Karimov Oʻzbekiston Respublikasi Moliya vaziri oʻrinbosari etib tayinlandi.

O‘zbekiston Respublikasi Prezidentining 2017-yil 19-oktabrdagi PF-5211-son farmoniga muvofiq Shin Agrip​pina Vasilevna O‘zbekiston Respublikasi Maktabgacha ta’lim vaziri lavozimiga tayinlandi.

O‘zbekiston Respublikasi Prezidentining 2017-yil 6-oktabrdagi PQ-3312 sonli qaroriga muvofiq Sangilov Mirodil Mirzailevich O‘zbekiston Respublikasi axborot texnologiyalari va kommunikatsiyalarini rivojlantirish vazirining o‘rinbosari lavozimiga tayinlandi.