2015-10-06

Joriy yilning 6-oktabr kuni “O'zekspomarkaz” Milliy ko'rgazma majmuasida “Ipak yo'lida sayyohlik” XXI Toshkent xalqaro sayyohlik yarmarkasi doirasida Germaniya sayyohlik va hududlararo rivojlanish bo‘yicha maslahatchisi Ayke Otto rahbarligida “Mahalliy kompaniyalarning xorijiy xalqaro sayyohlik ko‘rgazmalaridagi ishtirokining samaradorligi” mavzusida amaliy seminar bo’lib o’tadi

Mazkur tadbirni o’tkazishdan ko’zlangan maqsad, sayyohlik sohasida faoliyat yuritayotgan xodimlar tajribasini oshirish va tizimlashtirish, turoperatorlar faoliyatida yuzaga kelgan kamchiliklarni bartaraf etish, xalqaro ko‘rgazmalarda yuksak natijalarga erishish uchun strategiyalar ishlab chiqishdan iborat.

Seminar doirasida sayohlik ko’rgazmalariga tashrif buyurgan ishtirokchi va mexmonlarga samarali xizmat ko’rsatish bo’yicha yangi xodimlarni ishga olish va ularga bu sohada ma’lumot berishga doir masalalar muhokama qilinishi rejalashtirilgan bo’lib, sayyohlik paketlarini sotish va sotib olish ko’lamini yanada oshirish maqsadida xalqaro ko’rgazmalarning imkoniyatlaridan unumli foydalanish bo’yicha tavsiyalar ishlab chiqilgan.