2022-06-12
O‘zbekiston Respublikasi Prezidentining 2019-yil 16-sentyabrdagi PQ-4453-Qarorida iyun' oyining 2-yakshanbasi «O‘zbekiston Respublikasi to‘qimachilik va tikuv-trikotaj sanoati xodimlari kuni» deb belgilash va nishonlash bo‘yicha vazifalar berilgan.
«O‘zto‘qimachiliksanoat» uyushmasi tomonidan ushbu kunni keng nishonlash hamda sanoat korxonalari erishgan yutuqlar bilan tanishtirish maqsadida «To‘qimachilik yutuqlari haftaligi» e'lon qilinib, uning doirasida Respublikamizning to‘qimachilik va tikuv-trikotaj sanoatida erishilgan natijalar, soha rivojiga o‘z xissasini qo‘shgan insonlar faoliyati bilan tanishtirib boramiz.
Shu bilan birga, barcha sanoat vakillarini ushbu aksiyaga qo‘shilib «To‘qimachilik va tikuv-trikotaj xodimlari kuni»ni keng nishonlashga chorlab qolamiz.
Korxonangiz yoki o‘zingiz erishgan yutuqlar aks etgan turli fotosuratlar, maqolalar, videoroliklar, tilaklar – barchasini OAV bilan ishlash bo‘limiga yuborishingiz yoki ijtimoiy tarmoqdagi sahifalarimizda share qilishingiz mumkin!
Manba: O‘zto‘qimachiliksanoat