Bugun dunyo boʻylab keng tarqalgan “COVID-19” pandemiyasi bilan bogʻliq vaziyatni hisobga olgan holda, tadbir videokonferensaloqa shaklida tashkil qilinishi koʻzda tutilgan.

 

Xalqaro konferensiyaning asosiy maqsadlari etib quyidagilar belgilangan:

 

– zamonaviy harbiy nizolarning yangi shakliy oʻzgarishlarini oʻrganish hamda transmilliy tahdidlarga qarshi kurashning samarali mexanizmlarini ishlab chiqish, Qurolli Kuchlar faoliyatini takomillashtirish boʻyicha tajriba almashish;

 

– harbiy toʻqnashuvlar va noanʼanaviy tahdidlarga qarshi kurash boʻyicha milliy va xalqaro tajribani umumlashtirish;

 

– xorijiy oliy taʼlim muassasalari va tadqiqot markazlari bilan oʻzaro tajriba almashishni kengaytirish.

 

Onlayn-konferensiyada xorijiy mutaxassislar, shu jumladan, Yevropada xavfsizlik va hamkorlik tashkiloti, Xalqaro Qizil Xoch qoʻmitasi, Shanxay hamkorlik tashkilotining mintaqaviy aksilterror tuzilmasi, Shimoliy Atlantika shartnomasi tashkiloti, Jorj Marshall nomidagi Xavfsizlik masalalarini oʻrganish boʻyicha Yevropa markazi, Amerika Qoʻshma Shtatlari Milliy mudofaa universiteti qoshidagi Yaqin Sharq va Janubiy Osiyo strategik tadqiqotlar markazi, Rossiya Federatsiyasi, Turkiya Respublikasi, Buyuk Britaniya, Germaniya Federativ Respublikasi, Polsha, Hindiston, Italiya, Xitoy Xalq Respublikasi, Koreya Respublikasi, Pokiston Islom Respublikasi, Belarus Respublikasi, Qozogʻiston Respublikasi, Tojikiston Respublikasi, Qirgʻiziston Respublikasi va Turkmaniston Respublikasi mutaxassislari ishtirok etishi rejalashtirilgan.

 

Xalqaro ilmiy onlayn-konferensiya materiallari va tavsiyalari harbiy xizmatchilar bilimi va dunyoqarashini yana-da kengaytirishga imkon yaratadi.