2019-12-19

2019-yil 19-23-dekabr kunlari Turkiya Respublikasi Oliy saylov kengashi (Türkiye Cumhuriyeti Yüksek Seçim Kurulu) raisi Sadi Guven boshchiligidagi delegatsiya O‘zbekistonga tashrif buyuradi.

O‘zbekiston Respublikasi Markaziy saylov komissiyasining taklifiga binoan Turkiya delegatsiyasi bo‘lajak parlament saylovida xalqaro kuzatuvchilar sifatida ishtirok etadi, shuningdek, mamlakatdagi demokratik o‘zgarishlar va uning tarixiy-madaniy diqqatga sazovor joylari bilan tanishish maqsadida poytaxt va respublikaning mintaqalarida bo‘ladi.

Mamlakatimizning Turkiyadagi Elchixonasi ma’lumotiga ko‘ra, tashrif dasturida ikki tomonlama munosabatlarni yanada rivojlantirish istiqbollarini muhokama qilish maqsadida Toshkent shahrida MSK rahbariyati bilan uchrashuvlar o‘tkazish ko‘zda tutilgan.