O`zbekiston Respublikasi
Hukumat portali
O‘zbekistonga Malayziya parlamenti delegatsiyasining tashrifi
2019-12-20
2019-yilning 20-25-dekabr kunlar O‘zbekistonga Malayziya Parlamenti Vakillar palatasi (Dewan Rakyat) spikeri Mohd Rashid bin Hasnon boshchiligidagi delegatsiyasi tashrif buyuradi.
Mamlakatimizning Malayziyadagi Elchixonasi bergan ma’lumotga ko‘ra tashrif dasturidan Toshkent shahrida ikki tomonlama munosabatlarni yanada rivojlantirish istiqbollarini muhokama qilish maqsadida O‘zbekiston Respublikasi Oliy Majlisi Senati va Qonunchilik palatasi, qator vazirlik va idoralar rahbarlari bilan uchrashuvlar o‘tkazish o‘rin olgan.
Malayziya delegatsiyasi bo‘lajak parlament saylovida xalqaro kuzatuvchi sifatida ishtirok etadi, Samarqand shahriga tashrif buyurib, Al-Buxoriy yodgorlik majmuasini ziyorat qiladi va shaharning diqqatga sazovor joylari bilan tanishadi.