O`zbekiston Respublikasi
Hukumat portali
Boshqaruv innovatsiyalari kunlari 2019
2019-10-15
Joriy yilning 15-17-oktabr kunlari Toshkent shahrida davlat boshqaruviga innovatsion yondashuvlarni joriy etishga bagʻishlangan har yillik tadbir – Oʻzbekistonda Boshqaruv innovatsiyalari kunlari ikkinchi bora oʻtkazilmoqda. Tadbir tashkilotchilari – Oʻzbekiston Respublikasi Prezidenti huzuridagi Loyiha boshqaruvi milliy agentligi, Innovatsion rivojlanish vazirligi, Biznes va boshqaruv respublika oliy maktabi, BMT Taraqqiyot dasturi.
Tadbirning asosiy maqsadi— davlat siyosatini rejalashtirish, amalga oshirish va monitoring qilishni takomillashtirish, davlat xizmatlari sifatini yaxshilash va ulardan foydalanish imkoniyatlarini kengaytirishga qaratilgan davlat boshqaruvi sohasidagi innovatsion yondashuvlar, uslublar va qarorlarni muhokama qilish. Innovatsion kunlar doirasida raqamli iqtisodiyot, blokcheyn, katta maʼlumotlar, muomala uslublari, aqlli shahar, raqamli xizmatlarni loyihalashtirish hamda boshqa mavzularda maʼruzalar, seminarlar va muhokamalar oʻtkaziladi.
Spikerlar sifatida innovatsiyalar, raqamli iqtisodiyot, muqobil moliyalashtirish davlat boshqaruvi samaradorligini oshirish boʻyicha innovatsion laboratoriyalar faoliyatini tashkil etish, davlat xizmatlarini loyihalashtirish sohasidagi xalqaro va milliy ekspertlar taklif etilgan.
Jumladan:
Oʻzbekistondagi birinchi Boshqaruv innovatsiyalar kunlari 2018-yilning dekabr oyida oʻtkazilgan boʻlib, unda innovatsion rivojlanish strategiyasi, innovatsion laboratoriyalar, ijodiy fikrlash, asosli siyosat, maʼlumotlar asosida boshqaruv, foydalanuvchilarning ehtiyojlaridan kelib chiqqan holda davlat xizmatlarini loyihalashtirish kabi mavzularda seminarlar, maʼruzalar, taqdimotlar ishtirokchilar eʼtiboriga havola etilgandi.