Осиё чемпионлар лигасида мамлакатимиз шарафини ҳимоя қилаётган "Насаф" жамоаси биринчи турда Эроннинг "Тракторсози Табриз" клубини 2:1 ҳисобида мағлубиятга учратди.

"Д" гуруҳидан жой олган жамоаларнинг ўзаро учрашуви қизғин курашлар остида ўтди. Қаршидаги "Марказий" стадионда кечган ўйиннинг 31-дақиқасида "Тракторсози Табриз" жамоаси аъзоси Эдиньо ҳисобни очди. 46-дақиқада мезбонлар вакили Илҳом Шомуродов ҳисобни тенглаштирди. Ўйиннинг 52-дақиқасида Ҳамза Каримов рақиблар дарвозасига иккинчи тўпни йўллади.

Гуруҳ баҳсида дастлабки уч очкони қўлга киритган "Насаф" вакиллари иккинчи тур учрашувини 4 март куни сафарда Саудия Арабистонининг "Ал-Аҳли" жамоасига қарши ўтказади.

Манба: ЎзА