2016 йилнинг 25-26 октябрь кунлари Ўзбекитон-Финландия вазирликлараро маслаҳатлашувларининг навбатдаги раундида иштирок этиш учун Ҳелсинки шаҳрига ташриф буюрган Ўзбекистон Республикаси делегацияси Финландия Эдускунтасининг (Парламенти) Марказий Осиё мамлакатлари парламанетлари билан Дўстлик гуруҳи раиси ўринбосари Эеро Ҳейналуома, қароргоҳи Ҳелсинки шаҳрида жойлашган Финландиянинг Ўзбекистондаги Элчиси Никлас Линдквист билан учрашув ва музокаралар ўтказди.

Учрашувларда Ўзбекистон-Финландия ҳамкорлигини мустаҳкамлаш ва ривожлантиришнинг амалий масалалари муҳокама қилинди.
Ўзбекистон делегацияси Финландия сайёҳлик агентликлари ассоциацияси (АФТА) фаолияти билан танишди ҳамда етакчи тур-операторлар раҳбарларига ҳамкорликнинг истиқболли йўналишларини сўзлаб берди.

Манба: Ўзбекистон Республикаси Ташқи ишлар вазирлиги