Пойтахтимиздаги Республика олимпия захиралари теннис мактабида 14 ёшгача бўлган ўғил-қизлар ўртасидаги турнир ниҳоясига етди.

Яккалик баҳсларида Беҳзод Расаматовга ҳеч ким бас келолмади. У финал баҳсида Азиз Дадабоевни икки сетда 6:3, 6:3 ҳисобида енгиб, ғолибликни қўлга киритди. Жуфтлик баҳсларида эса Беҳзод Расаматов ва Иброҳим Ўринов барча рақибларидан устун келиб, шоҳсупанинг юқори поғонасидан жой олди. 

Қизлар ўртасидаги яккалик баҳсларида Сетора Нормуродова ғолиб чиқди. Жуфтлик мусобақасида Олеся Ким ва Валентина Шлейнга тенг келадигани топилмади. 

 

Манба: ЎзА