2023 йил 11 май куни Ўзбекистон Республикаси ташқи ишлар вазири ўринбосари Баҳромжон Аълоев Индонезия Республикаси ҳамда Бирлашган Араб Амирликларининг мамлакатимиздаги Фавқулодда ва Мухтор Элчилари Сунарио Картадината ҳамда Саид ал-Қамзий билан алоҳида учрашувлар ўтказди.

Музокаралар чоғида Ўзбекистоннинг ушбу давлатлар билан савдо-иқтисодий ва инвестициявий алоқалари, шунингдек, маданий-гуманитар алмашинувлар бўйича сиёсий мулоқотни кенгайтириш масалалари муҳокама қилинди.

Икки ва кўп томонлама шаклдаги бўлажак қўшма тадбирлар жадвали ҳамда ташкилий жиҳатлари ҳам кўриб чиқилди.

Манба: Ўзбекистон Республикаси Ташқи ишлар вазирлиги