Бугун, 28 апрель куни Ҳиндистон пойтахти Нью-Делида Шанхай ҳамкорлик ташкилотига (ШҲТ) аъзо давлатлар мудофаа вазирларининг йиғилиши бошланди. Йиғилишда Ўзбекистон мудофаа вазири генерал-лейтенант Баҳодир Қурбонов ҳам иштирок этмоқда.

Шунингдек, ШҲТга аъзо давлатлар мудофаа вазирларининг йиғилишида Хитой, Қозоғистон, Қирғизистон, Россия ва Тожикистон мудофаа вазирлари ҳам иштирок этяпти. Ҳиндистон ШҲТ кузатувчилари мақомида бўлган Беларусь ва Эронни ҳам таклиф этган. Покистон мудофаа вазири йиғилишда онлайн қатнашмоқда.

Манба: Ўзбекистон Республикаси Мудофаа вазирлиги