Рақамли технологиялари вазири Шерзод Шерматов Мухаммад ал-Хоразмий номидаги Тошкент ахборот технологиялари университети Фарғона филиалига ташриф буюрди.

Ташриф давомида тадбиркор томонидан Давлат хусусий шерикчилиги асосида янги қурилаётган 400 ўринга мўлжалланган талабалар турар жойи қурилиши билан танишди.

Вазир талабаларга мос барча шарт-шароитларни яратиш лозимлигини, уларнинг бўш вақтларини мазмунли ўтказиш юзасидан ўз таклифларини берди.

Талабалар турар жойини ўқувчилар учун қулай ва ахборот технологиялари билан таъминланган ҳолатда топшириш лозимлигини таъкидлаб ўтди.

Шунингдек, Рақамли технологиялар вазири таълим сифатини таъминлаш ва ўқитиш тизимини замон билан ҳамнафас олиб бориш асосий масала эканлигини таъкидлади.

Манба: Ўзбекистон Республикаси Рақамли технологиялар вазирлиги