2023 йил 17 январь куни Ўзбекистон Республикаси ташқи ишлар вазирининг биринчи ўринбосари Фурқат Сидиқов Қирғизистон Республикасининг мамлакатимиздаги Фавқулодда ва Мухтор Элчиси Муса Жаманбаевни қабул қилди.

Суҳбат чоғида дўстлик, яхши қўшничилик ва стратегик шериклик тамойилларига асосланган Ўзбекистон-Қирғизистон муносабатларининг долзарб масалалари юзасидан фикр алмашилди.

Икки давлат раҳбарларининг мулоқотлари натижасида эришилган келишувларни амалга ошириш жараёни муҳокама қилинди.

Олий ва юқори даражада режалаштирилган тадбирларнинг ташкилий ва мазмунли жиҳатлари кўриб чиқилди.

Манба: Ўзбекистон Республикаси Ташқи ишлар вазирлиги