Кўриниш
A
A
A
Шрифт ўлчами
?
Экран сухандони
Ишлаб чиқилган: 
Ўзбекистон Республикаси
Ҳукумат портали
АҚШ Савдо вазирлиги билан ҳамкорлик масалалари муҳокама қилинди
2022-10-18 | Иқтисодиёт
Ахборот технологиялари ва коммуникацияларини ривожлантириш вазири Шерзод Шерматов IT Park да АҚШ Савдо вазирининг халқаро савдо бўйича ўринбосари Мариса Лаго билан учрашди.
Дастлаб, Ўзбекистонда IT Park томонидан амалга оширилаётган ишлар ва келгусидаги режалар ҳақида тақдимот ўтказилди.
Шундан сўнг музокаралар чоғида ўзаро манфаатли шерикликни кенгайтириш истиқболлари атрофлича муҳокама қилинди. АҚШ Савдо вазирлиги вакили ўзаро савдо ва сармоявий алоқаларни кенгайтириш ва Ўзбекистонда АКТ соҳасини ривожлантиришга қаратилган қўшма дастур ва ташаббусларни илгари суришда ёрдам беришга тайёрлигини билдирди.
Мариса Лаго АҚШ савдо вазирлиги бундан кейин ҳам Ўзбекистон билан яқин ҳамкорлик қилишини ва мамлакатимиздаги ўзгаришларни ҳар томонлама қўллаб-қувватлашда давом этишини таъкидлади.
Учрашув давомида Ўзбекистонда IT экспорти ҳажмини жорий йилда 100 млн долларга етказиш мақсад қилингани айтиб ўтилди. Шу, жумладан, ушбу экспорт ҳажмини оширишда Америка БПО компанияларининг ўрни катталиги айтиб ўтилди. Ушбу йўналишда ҳамкорликни янада кенгайтириш, юқори маошли иш ўринларини яратиш бўйича масалалар муҳокама қилинди.
Шундан сўнг меҳмонларга IT Park биноси фаолияти ва у ерда қад ростлаётган бинолар таништирилди. Делагатсия аъзолари Ўзбекистонда бу каби ўзгаришлар ва IT соҳасига қаратилаётган эътиборни юксак баҳолади.
Манба: Ўзбекистон Республикаси Рақамли технологиялар вазирлиги
