Кўриниш
A
A
A
Шрифт ўлчами
?
Экран сухандони
Ишлаб чиқилган: 
Ўзбекистон Республикаси
Ҳукумат портали
Тошкентда “YANGIAMARKET” II ҳунармандлар фестивали бўлиб ўтади
2022-08-04 | Туризм
Жорий йилнинг 6 ва 7 август кунлари Тошкент шаҳрида жойлашган Мирзо Улуғбек номидаги марказий истироҳат боғида “YANGIAMARKET” ҳунармандлар, рассомлар, гастро-ҳаваскорлар ва мусиқачиларнинг иккинчи фестивали бўлиб ўтади.
Фестивал Ўзбекистон Республикаси Туризм ва маданий мерос вазирлиги кўмагида ҳамда EXPRESS 24 хизмати ҳамкорлигида ташкиллаштирилмоқда.
“YANGIAMARKET” – янги форматдаги тадбир бўлиб, бизнес, маданият ва санъатнинг кўплаб соҳалари вакилларини ўзида жамлайди. Тадбир доирасида энг яхши ёш ва истиқболли дизайнерлар, ҳунармандлар, бастакорлар ва рассомлар, гастро-ҳаваскорлар ва ўз соҳасининг бошқа мутахассислари ўз ишларини тақдим этадилар.
Икки кунлик фестивал дастурида Samocean (Samara dueti), DIOR (Moskva), Valeri (Toshkent), COC (Toshkent) каби маҳаллий ва хорижий ёш ижодий гуруҳлар ўз мусиқий чиқишларини намойиш қиладилар.
Фестивалга ташриф буюрган меҳмонлар “Varim Kofe” қаҳвалари, “LILICHA” чойлари ва "Testo by Zamira" мазали таомларидан татиб ко’ришлари мумкин.
Маълумот учун, фестивалга кириш бепул.
Манба: Ўзбекистон Республикаси Туризм ва маданий мерос вазирлиги
