1) Муҳаммаджон, айтингчи, Канадага қандай келганингиз тарихи ва у ерда қандай ўқув дастури ва қайси университетда ўқигансиз?

 

Тошкент шаҳридаги Инҳа Университетини битиришга яқин қолганда магистратура босқичини чет давлатда ўқиш режаси пайдо бўлган. ТШИУни битирганимдан сўнг Ўзбекистонда ишлаб юрган пайтларимда Канада ва Австралия давлатларидаги бир нечта университетларга ҳужжат топширдим. Университетларга қабул қилинганимдан кейин Канададаги Далҳаузи Университетини танладим. Бу университетни танлашимга асосий сабаб грант ютиш имконияти, тўлов контракт миқдори ҳамда ўқишни битиргандан сўнг ишлаш имкониятлари эди (Австралиядаги университетлар бир неча баробар қиммат бўлган). 2020 йил январ ойидан ўқишни бошладим.

 

Далҳаузи Университетида Компютер Инжиниринг (Master of Computer Science) дастури бўйича таълим олдим. Дастур икки йиллик бўлиб, бир йил учта давр (term) га бўлинган бўлади. Биринчи йилда талабалардан, асосан, йўналишга оид фанларни ўзлаштириш талаб қилинади. Иккинчи йилда бўлса, илмий ишда қатнашиб, тезис ёзиш ҳамда уни ҳимоя қилиш керак бўлади. Ўқиш давомида талабаларга ўзлари топган профессорлар (supervisor) йўл-йўриқ кўрсатиб боришади. Мен 2021 йил декабр ойида тезисимни мувафаққиятли ҳимоя қилиб, ўқишни якунладим. Битирув маросими 2022 йил май ойида бўлиб ўтди.

 

 

Албатта, янги мамлакатга кўчиб борганда, аввалига бир неча ой қийинроқ кечади. Менга ҳам бошида қийинроқ бўлган, секин-аста у ердаги об-ҳаво ҳамда ҳаёт тарзига кўникиб олгандан кейин ҳаммаси осонлашди. Аввалига ўқишга тезда мослашиб кетдим. Лекин пандемия сабабли ўқишлар онлайн кўринишга ўтказилгандан кейин бу ҳам ўзига яраша қийинчиликлар келтириб чиқарди.

 

Биринчи босқични тугатишга яқин илмий ишларда қатнаша бошладим. Иккинчи босқични бошлашдан олдидан аввалига факултет томонидан юқори баҳолар учун бериладиган бир марталик грант, кейинчалик эса илмий иш учун ажратиладиган грантлар соҳиби бўлдим. Булар менга иккинчи йил учун тўлов-контракт пулини тўлиқ қоплашга етди.

 

Ўқишни тугатишимга яқин, Канададаги Миcрофоcус компаниясида “Митаcс Аccелерате” дастури асосида практика (интерншип)га қабул қилиндим. Бу дастур бўйича тўрт ой давомида “Мачине Леарнинг” ҳамда киберхавфсизлик ё‘налишларида илмий иш билан банд бўлдим. Практикани 2022 йил март ойида муваффақиятли тугатдим.

 

 

Ўқишни тугатганимдан сўнг, Microfocus компаниясида практика қилаётганимда аллақачон иш қидириш жараёнини бошлаб юборган эдим. Энг биринчи IT соҳасидаги катта компаниялардан бошлашга қарор қилдим. 2022 йил феврал ойида Гоогле компаниясининг вакансиялар жойлаб бориладиган сайтида Дастурий Инженер (Software Engineer) бўйича вакансия борлигини кўрдим. Ўқиб кўрсам, мен барча талабларига тўғри келарканман, топширдим.

 

Бир ҳафта ичида менга Гоогледан эмаил келди. Унда мени биринчи қўнғироққа таклиф қилишган эди. Интервю учун кунни белгиладим ва тайёрланишни бошлаб юбордим. Ма’лумот учун, интервю кўп босқичлардан иборат бўлиб, уларда асосан “Data Structures and Algorithms” ҳамда маълум йўналиш (Android, iOS, Front-end, Back-end) бўйича билимларни текширишади. Шундай қилиб, уч ой давомида бир нечта босқичлардан муваффақиятли ўтдим. Май ойида ва ниҳоят мен кутган “ёқимли” эмаил келди. У ерда менга расмий равишда иш (оффер) таклиф қилинган эди: Google Gmail командасида Андроид йўналиши бўйича дастурчилик. Бу командани ўзим интервюлардан бирида танлаганман. Шунингдек, команда менежери ҳам бунга розилик берган. Таклифни ўқиб кўриб, бир неча кун ичида керакли саволларимга жавоблар олганимдан кейин, ишни қабул қилдим.

 

Иш бошқа шаҳар – Voterlu (Waterloo)да жойлашган.

 

Бу шаҳар ҳамда Китченер шаҳарлари ёнма-ён жойлашгани учун кўпинча бир-бири билан алмаштириб айтилади. Июн ойида бу шаҳарга кўчиб ўтиб, 13 июн куни расмий равишда ишни бошладим.

 

Google катта компания эканлигини билар эдим, лекин унинг қай даражада катта эканлигини иш бошлаганимдан сўнг тушуниб етдим. Ҳозир ҳам бу ерда билмаган нарсаларим жуда кўп, секин-секин ўрганяпман. Компанияда ишчилар учун зўр шароитлар яратиб берилган. Тиббий суғурта, гибрид иш кунлари, спорт комплекслари, икки ёки уч маҳал компаниянинг ўзида бепул овқатланиш, ишга келиш ҳамда ишдан кетиш учун транспорт ва ҳоказолар шулар жумласидандир.

 

Биздан талаб қилинадигани – барчага ҳурматли бўлиб, ўз ишимизни тўғри бажариш.