Жаҳон савдо ташкилоти котибияти Ўзбекистоннинг ЖСТга аъзо бўлиши бўйича Ишчи гуруҳининг навбатдаги 5-йиғилиши ўтказиладиган сана тўғрисида хабарнома тарқатди.

У 2022 йил 21-22 июнь кунлари Женевада бўлиб ўтади.

Ташкилотга аъзо бўлиш Ўзбекистон учун мутлақ устувор йўналиш бўлиб, унинг натижасида мамлакатимизнинг жаҳон иқтисодий муносабатларига ва кўп томонлама савдо тизимига янада интеграциялашувига эришилади.

Шу муносабат билан, Инвестициялар ва ташқи савдо вазирлиги томонидан янги форматдаги смарт-релиз – инфографика тайёрланиб, унда Ўзбекистон томонидан бу муҳим жараёнда ҳозирги кунгача амалга оширилган ишлар кўлами тўлиқ акс эттиришга уринилди.

Манба: Ўзбекистон Республикаси инвестициялар, саноат ва савдо вазирлиги