Жорий йилнинг 27 май куни Ўзбекистон Республикаси Вазирлар Маҳкамаси ҳузуридаги Космик тадқиқотлар ва технологиялар агентлиги (Ўзбеккосмос) ва Малайзия Космик агентлиги (MYSA) ўртасида онлайн учрашув ташкил этилди. Мазкур учрашув Ўзбекистон Республикасининг Малайзиядаги Элчихонаси билан ҳамкорликда ташкил этилди.

Онлайн ташкил этилган мазкур учрашувда Ўзбеккосмос агентлиги бош директори Шухрат Кадиров ва Малайзия Космик агентлиги бош директори Азликамил Напиа қўшма лойиҳалар ва ўзаро ҳамкорлик йўналишлари бўйича фикр алмашдилар. Музокаралар давомида космик тадқиқотлар ва технологиялар, космик фаолиятни ривожлантириш соҳаларида тажриба алмашиш имкониятлари муҳокама қилинди.