Бирлашган Араб Амирликларининг Фужайра шаҳрида таэквондонинг олимпия оиласига мансуб WT йўналиши бўйича нуфузли турнир бўлиб ўтди.

Бутунжаҳон таэквондо WТ тақвимида 2 та рейтинг турнири бўлиб, унда Олимпиада очколари ўйналади. Ушбу турнирларда таэквондо терма жамоамиз икки гуруҳга бўлинган ҳолда иштирок этяпти. Уларнинг дастлабкиси "Fujairah Open-2022" мусобақаси ҳисобланади.

Қувонарлиси, кучли таркиб билан ушбу турнирга жўнаб кетган терма жамоамиз 4 та олтин, 1 та кумуш, 2 та бронза медалини қўлга киритишди.

Олтин медаль:
Улуғбек Рашитов
Жасурбек Жайсунов
Феруза Садикова
Светлана Осипова

Кумуш медаль:
Чарос Қаюмова

Бронза медаль:
Никита Рафалович
Ниёз Пўлатов

Ўзбекистон Миллий Олимпия қўмитаси жамоамизни ушбу мусобақадаги муваффақиятли иштирок билан қутлаб қолади.

Манба: Ўзбекистон Миллий Олимпия қўмитаси