Ўзбекистон буюк тарих, бетакрор маданият ва улкан салоҳиятга эга мамлакат. Бироқ ўйлашимча, юртингиз ҳақида дунё матбуотида эълон қилинаётган материаллар салмоғи етарли эмас. Хусусан, Испания ва Лотин Америка аҳолиси учун Ўзбекистон ҳақидаги материаллар жуда қизиқарли бўлади. Шу боис биз ана шу бўшлиқни тўлдиришни мақсад қилганмиз. Ахборот соҳасидаги ўзаро ҳамкорлик ҳар икки мамлакат учун манфаатли бўлишига ишонаман, — деди Фернандо Морагон.

АОКА директори Асаджон Ходжаев Ўзбекистон ва Испания ўртасида йўлга қўйилган узоқ йиллик ҳамкорликни  ахборот соҳасида ҳам давом эттириш ва янги босқичга кўтариш зарур эканини қайд этди.  — Биз Испанияни Европанинг ҳар томонлама тараққий этган мамалакатларидан бири сифатида биламиз. Шу жумладан, испан матбуоти ҳам дунё ахборот маконида муҳим ўринга эга.

Испан журналистларининг Ўзбекистонга келиши ва ўзбек журналистларининг Испанияда тажриба орттириши ҳар икки давлатнинг ахборот соҳаси учун фойдали бўлишига шубҳа йўқ. Биз ушбу йўналишда кенг кўламли ҳамкорликни йўлга қўйишга тайёрмиз, — деди Агентлик раҳбари. Учрашувда ўзаро ҳамкорликни амалга ошириш механизмлари муҳокама қилинди, бу борадаги келишувларни имзолаш юзасидан фикр алмашилди.