Қишлоқ хўжалиги вазирлигининг Тошкент шаҳрида ва вилоятида фаолият юритувчи тизим ташкилотлари ҳамда Тошкент давлат аграр университетининг маънавий-маърифий масалаларга масъул ходимлари Темурийлар тарихи давлат музейига ташрифи ташкил этилди.

Мамлакатимизда Амир Темур ва темурийлар давридаги илм-фан, маориф ва маданиятнинг юксак даражадаги тараққиётини ҳаққоний акс эттириш ва уни кенг тарғиб қилиш, тарихий ютуқларимиз, анъаналаримиз асосида ёш авлодни ватанпарварлик руҳида тарбиялашда музейнинг ҳиссаси катта.

Музейда сақланаётган Амир Темур ва темурийлар даври ҳамда тарихимизга оид моддий ва маънавий ёдгорликлар, археологик топилма ва сақланмалар юртимизга ташриф буюраётган сайёҳлар эътирофига сазовор бўлмоқда.

Манба: Ўзбекистон Республикаси Қишлоқ хўжалиги вазирлиги