Жорий йилнинг 23 сентябрь куни Ўзбекистон Республикаси Транспорт вазирлигида “Air Marakanda” МЧЖ ХК ва “Uzbekistan Airports” АЖ ўртасида “Самарқанд” халқаро аэропортини давлат-хусусий шериклик асосида модернизация қилиш ва бошқариш” лойиҳасининг давлат-хусусий шериклик битимини имзолаш бўйича маросим бўлиб ўтди.

Маросимда Транспорт вазирлиги, “Uzbekistan Airports” АЖ, “Air Marakanda” МЧЖ ХК ва Молия вазирлиги ҳузуридаги Давлат-хусусий шерикликни ривожлантириш агентлигининг раҳбарлари ва бошқалар иштирок этди.

Мазкур битим “Самарқанд” халқаро аэропортида йўловчиларга ва авиаташувчиларга юқори даражада хизмат кўрсатилишини таъминлаш, улар учун барча зарур қулай шарт-шароитларни яратиш, аэропортни бошқариш соҳасида етакчи халқаро компаняларни жалб қилиш мақсадида “Самарқанд” халқаро аэропортини давлат-хусусий шериклик асосида модернизация қилиш ва бошқариш” лойиҳасини амалга ошириш доирасида имзоланди.

Манба: Ўзбекистон Республикаси транспорт вазирлиги