Соғлиқни сақлаш вазирининг тегишли буйруғи билан Исламов Миралишер Садриддинович Республика ихтисослаштирилган гематология илмий-амалий тиббиёт маркази директори лавозимига тайинланди.

У фаолияти давомида Тошкент тиббиёт институти 1-клиникаси бўлим бошлиғи, ушбу клиниканинг Хирургия бўлими бош мутахассиси, даволаш ишлари бўйича бош шифокор ўринбосари, бош шифокори, шунингдек, “AKFA MEDLINE” МЧЖ да тиббиёт технологиялари бўйича маслаҳатчи лавозимларида ишлаган.

Бундан ташқари, у Тошкент шаҳар соғлиқни сақлаш бош бошқармаси бошлиғи вазифасида ҳам фаолият юритган. Тиббиёт фанлари доктори Миралишер Исламов тайинловдан аввал Қурилиш вазирлиги бош экспертизаси, тиббиёт технологияси бўйича бош мутахассис лавозимида ишлаб келган.

Манба: Ўзбекистон Республикаси Соғлиқни сақлаш вазирлиги