Бухоро вилояти Шофиркон туманида жисмоний ва юридик шахслар учун Ўзбекистон Республикаси Ахборот технологиялари ва коммуникатсияларини ривожлантириш вазирлиги Бухоро вилояти ҳудудий бошқармаси томонидан сайёр қабул ўтказилди.

Унда Вазирлик тизимидаги аксиядорлик компаниялари, корхона, ташкилот ва муассасаларнинг вилоятдаги таркибий бўлинмалари ҳамда мобил алоқа операторлари вилоят бўлинмалари раҳбарлари иштирок этди ҳамда олиб борилаётган ишлар ва келгусида амалга оширилиши режалаштирилган вазифалар тўғрисида маʼлумот бериб ўтди.

Сайёр қабул давомида фуқаролардан келиб тушган мурожаатлар ҳал этилиб, ўрганиш талаб этиладиган мурожаатлар назоратга олинди ва ўрганиб чиқиш учун тегишли ташкилотларга топшириқлар берилди.

Манба: Ўзбекистон Республикаси Рақамли технологиялар вазирлиги