Бугунги кунда жамиятимизнинг ҳар бир бўғинида спорт ва жисмоний тарбияга алоҳида эътибор қаратилмоқда. Айниқса, шарафли ва масъулиятли ҳарбий хизмат ва жисмоний тайёргарлик бир-бирига узвий боғлиқ.

Жануби-ғарбий махсус ҳарбий округ тасарруфидаги ҳарбий қисмларда хизмат қилаётган ҳарбий хизматчилар ўртасида Термиз дала ўқув полигонида “Спортча мўлжаллаш” ва “Ҳарбийлаштирилган кросс” мусобақаси бўлиб ўтди.

Ушбу мусобақа якунига кўра қуйидаги натижалар қайд этилди:

“Ҳарбийлаштирилган кросс” – якка тартибда:

1 ўрин – Термиз гарнизони ҳарбий хизматчиси контракт бўйича ҳарбий хизматчи оддий аскар Жасур Абдухаликов;
2 ўрин – Бухоро гарнизони ҳарбий хизматчиси кичик сержант Умиджон Ахмаджонов;
3 ўрин – Муборак гарнизони ҳарбий хизматчиси контракт бўйича ҳарбий хизматчи оддий аскар Шоҳрух Жўраев.

“Ҳарбийлаштирилган крос” – умумжамоа ҳисобида:

1 ва 2 ўринлар – Бухоро гарнизони ҳарбий хизматчилари;
3 ўрин – Муборак гарнизони ҳарбий хизматчилари эгалладилар.

“Спортча мўлжаллаш” мусобақасида умумжамоа ҳисобида:

1 ўрин – Муборак гарнизони ҳарбий хизматчилари;
2 ўрин – Сариосиё гарнизони ҳарбий хизматчилари;
3 ўрин – Термиз гарнизони ҳарбий хизматчилари.

Ғолиб жамоалар Жанубий оператив қўмондонлиги бошлиғи полковник Пўлатжон Сативалдиев томонидан диплом, кубок ва эсдалик совғалар билан тақдирланди.

III даражали сержант Акбар АХМЕДОВ, Термиз гарнизони

Манба: Ўзбекистон Республикаси Мудофаа вазирлиги