27-28 ноябрь кунлари Жиззах шаҳар, Наврўзбулоқ пойгагоҳида автомобиль пойгалари бўйича Ўзбекистон кубогининг биринчи босқичи ўтказилди.

Ушбу тадбирни ўтказишдан Жиззах вилоятида спорт туризмни ривожлантириш ҳамда соғлом турмуш тарзини тарғиб этиш мақсад қилинган. Мазкур мусобақада 10 дан ортиқ спорт клуби иштирок этган бўлиб, унда Тошкент шаҳар, Фарғона, Андижон, Наманган, Жиззах, Самарқанд, Бухоро, Қашқадарё, Сурхондарё ва Хоразм вилоятларининг терма жамоалари спортчилари фаол қатнашди. Мусобақа 4 турдаги автомашина ўртасида ўтказилиб, унда жами 75 нафар спортчи иштирок этди.  

Манба: Ўзбекистон Республикаси Туризм ва маданий мерос вазирлиги