НУКУС, 20 сентябрь. /«Дунё» АА/. Бугун Қорақалпоғистонда Жўқорғи Кенесига қўшимча сайловлар бўлиб ўтмоқда, деб хабар берди «Дунё» ахборот агентлиги мухбири.

Либерал-демократик партия, Миллий тикланиш демократик партияси, Халқ демократик партияси, Адолат социал-демократик партияси ва Экологик партия томонидан кўрсатилган 25 номзод кўрсатилган 5 ўрин учун курашмоқда.

Қорақалпоғистон Республикасининг амалдаги Конституциясига кўра, Жўқорғи Кенеси 65 депутатдан иборат бўлиб, улар ҳудудий сайлов округлари томонидан 5 йил муддатга сайланади. Қорақалпоғистон Жўқорғи Кенеси раиси эса депутатлар орасидан Ўзбекистон Республикаси Президенти билан келишилган ҳолда сайланади.

Эслатиб ўтамиз, Қорақалпоғистон Республикаси Жўқорғи Кенеси раиси, Ўзбекистон Республикаси Олий Мажлиси Сенати раисининг ўринбосари, Ўзбекистон Қаҳрамони Муса Ерниязов 31 июль куни вафот этди.

Манба: “Дунё” ахборот агентлиги