Давлат активларини бошқариш агентлиги ва “Киберхавфсизлик маркази” ДУК ўртасида имзоланган “Агентликнинг 2020 йилга мўлжалланган ахборот ва киберхавфсизликни таъминлаш бўйича чора-тадбирлар” режасига мувофиқ, жорий йилнинг сентябрь ойида Агентлик ходимлари учун малакали мутахассислар иштирокида ахборот хавфсизлигига қаратилган ўқув семинар ва тренинглар ташкил этиш режалаштирилган эди.

Шунга кўра, Агентликда ахборот хавфсизлигини таъминлаш бўйича ўқув семинар ўтказилди.

Бугунги кунда дунё ва мамлакатимизда АКТни жадал ривожланиши ҳамда давлат ва хўжалик бошқаруви органлари, маҳаллий ўзини ўзи бошқариш органлари фаолиятининг турли соҳаларига кенг кириб бориши натижасида компьютер маълумотлари, ахборот ресурслари жуда аниқ қийматга эга бўлиши мумкинлигига олиб келди. Натижада давлат идораларида ҳам ахборот хавфсизлигини таъминлаш энг долзарб масалага айланди.

Шунингдек, Ўзбекистон Республикасида ахборот хавфсизлигини таъминлашга қаратилган “Киберхавфсизлик маркази” ДУК ташкил этилган.

Семинарда республика миқёсида олиб борилаётган ахборот хавфсизлигини таъминлашга доир ишлар, янгиликлар борасида ҳам кенг маълумотлар берилди.

Манба: Ўзбекистон Республикаси Давлат активларини бошқариш агентлиги