Ташкилотчи - Ўзбекистон Республикаси Жисмоний тарбия ва спорт вазирлиги.

Онлайн шахмат мусобақасида қатнашиш учун CHESS.COM сайтида “Ўзбекистон Республикаси Жисмоний тарбия ва спорт вазирлиги” клубига аъзо бўлинг, саралаш ўйинларида ғолиб чиқинг ҳамда 2020 йил 20 декабрь куни Тошкент шаҳрида ўтказиладиган Гранд Финал иштирокчисига айланинг.

Бош соврин - ҳамкорлар томонидан тақдим этилган “Спарк” автомобили. Бизни ижтимоий тармоқлар орқали кузатиб боринг!

Саралаш ўйинларига 2020 йилнинг 20 июлидан старт берилади. Ўйинлар ҳар куни соат 20:00да бошланади. Мусобақа швейсарча тизимда блис йўналишида ўтказилади. Гранд Финалга ҳар бир турнирдан энг яхши 10 нафар иштирокчи саралаб олинади. 20 декабрга қадар жами 50та саралаш турнири ўтказилади ва энг кучли 500 нафар иштирокчи танлаб олинади.

Гранд Финалда иштирок этиш учун саралаб олинган шахмат ишқибозлари бошқа турнирларда иштирок этолмайди. Турнирда фақат Ўзбекистон Республикаси фуқаролари қатнашишлари мумкин.

Имкониятни қўлдан бой берманг ва “Спарк” автомобилини қўлга киритинг!

Манба: Ўзбекистон Республикаси Ёшлар сиёсати ва спорт вазирлиги