Республикамиз бўйлаб ўтказилаётган “Ёшлар ойлиги” тадбирлари бекободлик ёшларни ҳам қамраб олди. Мудофаа вазирлиги Тоифаланган объектларни қўриқлаш қўшинлари қўмондонлигининг ушбу шаҳарда жойлашган ҳарбий қисми Ёшлар иттифоқи бошланғич ташкилоти етакчиси, сардорлари ва бир гуруҳ фаол ёшлар томонидан имконияти чекланган ёшлар ҳолидан хабар олинди.

“Сен ёлғиз эмассан” шиори остида ўтказилган мазкур тадбирда, ҳарбий хизматчилар кун давомида имконияти чекланган ёшлар билан суҳбатлашдилар, интеллектуал ўйинлар ўйнадилар, совғалар улашдилар.

Шу куни ёшларнинг бўш вақтини мазмунли ва янада самарали ўтказиш юзасидан таклифлари бўйича аҳоли ўртасида сўровнома ҳам ўтказилди ва шу асосда келгусида ўтказиладиган тадбирлар режасига қўшимча ва ўзгартишлар киритилди.

Тоифаланган объектларни қўриқлаш қўшинлари қўмондонлиги матбуот хизмат

Манба: Ўзбекистон Республикаси Мудофаа вазирлиги