Кўриниш
A
A
A
Шрифт ўлчами
?
Экран сухандони
Ишлаб чиқилган: 
Ўзбекистон Республикаси
Ҳукумат портали
Бугун туғилган кун
2020-06-10 | Маданият
Ўзбекистон Қаҳрамони, Ўзбекистон халқ ёзувчиси, Ўзбекистонда хизмат кўрсатган маданият ходими Саид Аҳмад 1920 йил 10 июнда Тошкент шаҳрида туғилган.
Саид Аҳмад Тошкент рассомчилик билим юрти ҳамда Тошкент педагогика институтида ўқиган. Ижодкорнинг дастлабки ҳикоялар тўплами 1940 йилда чоп этилган.
«Уфқ» трилогияси, «Жимжитлик» романи, «Хандон писта», «Бир ўпичнинг баҳоси» ҳажвий тўпламларини ўқувчилар яхши билади. 2000 йилда 3 жилдлик «Танланган асарлар»и чоп этилди.
Саид Аҳмад ижодининг каттагина қисми ҳажвий-юмористик ҳикоялар, қиссалар, комедиялардан иборат. «Келинлар қўзғолони», «Куёв» комедияларида бу ёрқин намоён бўлган.
У «Дўстлик», «Буюк хизматлари учун» орденлари билан ҳам мукофотланган.
Эл севган ижодкор Саид Аҳмад 2007 йил 5 декабрда Тошкент шаҳрида вафот этди.
***
PS: Сайтимизда ташкил этилган «Бугун туғилган кун» лойиҳасида турли соҳаларда мамлакатимиз равнақига ўз ҳиссасини қўшган, қўшаётган инсонлар, давлат ва жамоат арбоблари, академиклар, эл севган ижодкорлар ҳамда касби, танлаган йўлида юқори натижаларга эришаётган ватандошларимизнинг туғилган кунлари эсга олинади.
Манба: ЎзА
