Uzbekistan Airways хорижий фуқароларга жарима тўловисиз чипталарни қайтариш имконияти тақдим этилиши ҳақида маълум қилди.

Ўзбекистон Республикасига бир қатор мамлакатлардан келган йўловчилар кириб келиши бўйича ўрнатилган чекловлар туфайли 2020 йилнинг март-апрель ойларида Париж, Лондон, Франкфурт, Тел-Авив, Бангкок, Куала-Лумпурдан бўлган Uzbekistan Airways қатновлари орқали Ўзбекистонга сафарини режалаштираётган хорижий фуқаролар учун авиачипталарни жарима тўловисиз қайтариш имконияти тақдим этилади.

Шунингдек, Ўзбекистон Республикасига Сингапур, Ҳонконг, Макао, Тайвандан келган йўловчилар ҳам чипталарни жаримасиз қайтариши мумкин.

Билдирилишича, батафсил маълумот учун +998781400200 рақами орқали ягона алоқа марказига мурожаат қилиш мумкин.

Манба: Ўзбекистон Республикаси транспорт вазирлиги