Самарқанд шаҳридаги Форумлар саройида “Имом Абу Мансур Мотуридий ва мотуридия таълимоти: ўтмиш ва бугун” мавзусидаги халқаро конференциянинг якуний ялпи йиғилиши бошланди.

Айни пайт анжуман иштирокчилари – 20 дан зиёд мамлакатдан ташриф буюрган 70 га яқин уламолар томонидан илгари сурилган таклифлар бўйича шакллантирилган тавсиялар муҳокама этилмоқда.

Якунда конференция дастурига кўра, ялпи йиғилиш ва иккита шўъба мажлиси доирасида қилинган маърузалар, бўлиб ўтган мунозаралар, билдирилган фикр-мулоҳазалар асосида тақдим этилган тавсиялар қабул қилиниши кутилмоқда.

Ғ.ХОННАЗАРОВ, Ғ.ҲАСАНОВ, ЎзА

Манба: ЎзА