“Ўзкомназорат" давлат инспексцясининг Наманган вилояти ҳудудий инспекцияси томонидан “Ўзбектелеком" АКнинг вилоятдаги филиали масъул ходимлари иштирокида 2020 йилнинг 18 февраль куни “Қурилиши тугалланган телекоммуникация обектларини давлат комиссияси томонидан фойдаланишга қабул қилиш тартиби" мавзусида профилактик-семинар ўтказилди.

Семинарда ҳудудий инспекция ходимлари томонидан иштирокчиларга, телекоммуникация обектларини лойиҳалаш, қуриш ва давлат комиссияси томонидан уларни фойдаланишга қабул қилиш тартиб-қоидалари бўйича мавжуд меъёрий-ҳуқуқий ҳужжатлар талаблари, Филиал обектларни давлат қабул қилиш комиссиясига топшириш жараёнида кўпинча йўл қўядиган камчиликлар ва уларни самарали ечими тўғрисида тушунтиришлар берилди.

Тадбир давомида иштирокчиларни қизиқтирган саволларига Наманган вилояти ҳудудий инспекцияси ходимлари томонидан батафсил жавоблар қайтарилди.

Манба: Ўзбекистон Республикаси Ахборотлаштириш ва телекоммуникациялар соҳасида назорат бўйича давлат инспекцияси