Жорий йилнинг 11-12 февраль кунлари бошқарув тизимини шакллантириш, кластерларни яратиш ва ривожлантириш тажрибасини ўрнатиш мақсадида Бошқирдистон Республикаси Савдо ва истеъмолчилар ҳуқуқларини ҳимоя қилиш Давлат Қўмитаси раиси Алексей Гусев бошчилигидаги делегация Самарқанд вилоятига ташриф буюрди.

Самарқанд халқаро аэропортида меҳмонларни Савдо-саноат палатаси вилоят ҳудудий бошқармаси бошлиғи Ш.Юлдашев кутиб олди.

Ташриф доирасида Делегация вакиллари  Самарқанд вилоятида фаолият кўрсатувчи ишлаб чиқариш корхоналари, интенсив боғлар ва мева-сабзавотларни қайта ишлаш корхоналари фаолияти билан таништирилди.

Бошқирдистон Республикаси делегацияси шунингдек, Савдо-саноат палатаси Самарқанд вилоят ҳудудий бошқармасида бўлди. Улар Савдо-саноат палатаси фаолияти билан яқиндан танишиб, икки томонлама ҳамкорлик алоқаларини ривожлантириш масалаларини кориб чиқдилар ва келгусида амалга ошириладиган чора-тадбирлар режасини белгилаб олдилар.

Савдо-саноат палатаси Самарқанд вилоят ҳудудий бошқармаси бўлиб ўтган учрашув доирасида  “Сиёб Шавкат Орзу” фермер хўжалиги  (Ўзбекистон) ва  “Центр Питания” МЧЖ (Бошқирдистон) корхоналари ўртасида қуруқ мева маҳсулотларини етказиб бериш юзасидан 1.8 млн. АҚШ долларлик шартнома имзоланди.

Манба: Ўзбекистон Республикаси Савдо саноат палатаси