14-15 январь кунлари молия вазирининг биринчи ўринбосари Тимур Ишметов бошчилигидаги Ўзбекистон республикаси делегацияси Австрия пойтахти Вена шаҳрида бўлиб ўтган "Central and Eastern Euopean forum" халқаро форумида иштирок этди.

Делегация таркибига Миллий банк, Ўзсаноатқурилишбанк, Ипотека банк, Асака банк, Ипак йўли банк, Ҳамкорбанк ва Asia Alliance Bank каби маҳаллий тижорат банклари вакиллари ҳам кирди.

Маълумот учун: Forum Euromoney Institutional Investor томонидан ташкил этилган. 1969 йилда ташкил этилган Euromoney гуруҳи бир хил номдаги ойлик журнал асосида пайдо бўлди ва бугунги кунда ахборот тақдим этишга ихтисослашган 100 дан ортиқ компанияни ўз ичига олади, молиявий-банк сектори учун тадбирлар ва тренинглар ўтказади. Шунингдек, у глобал Агенда журналларини (жаҳон иқтисодий форумининг расмий нашри), EuroWeek, Capital Markets Guide ва бошқаларни нашр этади. Ҳар йили Euromoney турли мамлакатларда 40 дан ортиқ конференцияларни ташкил қилади.

Форум минтақадаги давлатлар, шунингдек, халқаро молия институтларидан 450 дан ортиқ юқори мартабали раҳбар ва соҳа вакилларини жамлади. Европа тикланиш ва тараққиёт банкининг биринчи вице-президенти Юрген Ригтеринка тадбирни ўзининг дастурий нутқи билан очди.

Ялпи мажлисда мамлакатимизнинг "Ўзбекистондан қараш" ("A view From Uzbekistan") номли иқтисодий ва молиявий салоҳияти тақдимоти бўлиб ўтди. Молия вазирининг биринчи ўринбосари Тимур Ишметов Ўзбекистоннинг стратегик географик жойлашуви, бой табиий ресурслар ва республиканинг асосан ёш аҳолиси, макроиқтисодий кўрсаткичлар ва халқаро ҳамкорлардан қўллаб-қувватлаш билан ишлашга содиқлиги ҳақида сўзлаб берди.

Тимур Ишметов - Ўзбекистон Республикасининг Молия вазири биринчи ўринбосари

"Валюта либераллашуви ва бошқа ислоҳотлар фонида ЯИМ ўсиши давом этмоқда. 2019 йил якунлари бўйича давлат қарзи ва буджет тақчиллиги даражаси мақбул даражада қолмоқда. Мамлакатда етарли олтин-валюта захиралари мавжуд. Ишбилармонлик учун турли шарт-шароитлар яратилди, солиқ ставкалари пасайтирилди. Пул-кредит сиёсатини яхшилаш, бозор механизмларига ўтиш ва банк секторини мустаҳкамлаш бўйича ҳам чоралар кўрилмоқда. Институционал модернизацияни таъминлаш учун, фақат ўтган йилнинг ўзида, энергетика ва транспорт вазирликлари, давлат активларини бошқариш агентлиги, капитал бозорини, суғурта бозорини, тадбиркорлик ва кичик бизнесни, шунингдек, давлат хизматини ривожлантириш ташкил этилди. "Ўзбекистон ҳаво йўллари", "Ўзбекнефтгаз", "Ўзбекенерго" компаниялари, "Ўзкимёсаноат" уюшмаси ва учта йирик металлургия комбинатини қайта ташкил этган ҳолда бир қатор тармоқларни янада давлат тасарруфидан чиқариш чоралари кўрилди. Кўплаб кам даромадли ёки йўқотишлар мавжуд бўлган давлат унитар корхоналари хусусийлаштирилди" - деди Тимур Ишметов.

Дастурга Ўзбекистонга бағишланган алоҳида Мажлис ҳам киритилди. Бу 70 дан ортиқ халқаро молия ташкилотлари ва инвесторлар билан таништириш ва ҳамкорликни ўрнатиш учун майдон бўлди. Ҳозирги кунда трансформация жараёнидаги Республика тижорат банклари вакиллари  ўз тақдимотлари билан иштирок этдилар. Делегатларга, хусусан, ўтган йилнинг ноябр ойида "Ўзсаноатқурилишбанк" АТБ Лондон фонд биржасида ўзининг биринчи халқаро облигацияларини чиқарганлиги ва шу тариқа жаҳон капитал бозорида иштирок этгани ҳақида сўзлаб берилди. 300 миллион долларлик эвро жамғармалари инвесторлар томонидан юқори баҳоланди.

Форум давомида геосиёсатнинг савдо ва бозор котировкалари, инвестицион салоҳият, облигациялар, корпоратив молия, банк ва пул-кредит сиёсати, иқтисодиётни барқарор ривожлантириш ва келажак истиқболларига таъсири масалалари бўйича мавзуга оид сессиялар бўлиб ўтди. Бир қатор давлатларнинг молия вазирликлари раҳбарлари, халқаро валюта жамғармаси, халқаро молия корпорацияси, Европа инвестиция банки ва бошқа тузилмалар экспертлари тўпланган тажрибани тақдим этиб, соҳанинг муаммоларини, шу жумладан, Марказий ва Шарқий Европа ҳамда МДҲ давлатларида макроиқтисодий вазиятни кўриб чиқдилар. Турли йўналишлар бўйича тақдимотлар ва семинарлар ўтказилди.

Манба: Ўзбекистон Республикаси Молия вазирлиги